Pangangalakal ng mga Index

Kung interesado ka sa pangangalakal ng index, magsimula ka sa pagtuklas ng mga pundamental na kaalaman tungkol dito, kabilang ang mga pamamalakad nito, ang mga panganib nito, at ang iba’t ibang mga diskarte nito. Pagkatapos nito, magbukas ka ng live o demo trading account sa HFM, piliin ang iyong index, at buksan ang iyong posisyon.

May iilang bagay na maaaring makaimpluwensiya sa halaga ng mga pagmamay-ari sa isang index at samakatuwid ang presyo ng index mismo. Ilan sa mga bagay na ito ay kinabibilangan ng:

1. Mga datos at tagapagpahiwatig pang-ekonomiya: Ang mga tagapahiwatig na may kaugnayan sa ekonomiya kagaya ng inflation, paglago ng GDP, bilang ng mga empleyado, at paggastos ng mga consumer ay maaaring magdulot ng malawakang epekto sa halaga ng mga pagmamay-ari at ang presyo ng naturang index.
2. Mga kinita ng kompanya: Ang mga ulat ng kinita ng mga kompanyang kinabibilangan ng index ay maaaring magdulot ng malawakang epekto sa presyo ng index. Ang mga positibong ulat ng kita mula sa mga kompanya sa loob ng index ay maaaring magdulot ng pagtaas sa kumpyansa sa mga namumuhunan at pagtaas ng presyo ng index, samantalang ang mga negatibong ulat ay maaaring magdulot ng pagbagsak nito.
3. Mga rate ng interes: Ang mga pagbabago sa mga rate ng interes ay maaari ding magdulot ng pagbabago sa presyo ng isang index. Pinamamahal ng mga mataas na interest rate ang pag-utang at maaari nitong pababain ang kita ng mga kompanya, na maaring magdulot ng pagbagsak ng presyo ng naturang index.
4. Kaganapang pampulitika: Ang mga kaganapang pampulitika tulad ng mga halalan, pagbabago sa polisiya, at mga kaguluhang geopolitikal ay maaari ding magdulot ng pagbabago sa presyo ng isang index. Ang mga kaganapang ito ay maaaring magdulot ng pagaagam-agam sa mga namumuhunan at pinaigting na walang-kasiguruhan sa pamilihan.
5. Sentimiyento ng mga namumuhunan: Panghuli, ang sentimiyento ng mga namumuhunan at sikolohiya ng pamilihan ay maaari ding gumanap ng papel sa presyo ng isang index. Maaaring magdulot ang positibong sentimiyento ng namumuhunan ang mas pinaigting na pamiimli at pagtaas ng presyo ng index, samantalang maaaring magdulot ng pagbenta at pagbagsak ng presyo ang negatibong sentimiyento.

Ang pinakamadalas na kinakalakal na index sa buong daigdig ay:

1. S&P 500: Ang S&P 500 ay isang market-cap weighted na index ng 500 na malalaking kompanya na publiko sa Estados Unidos. Tinatagurian ito bilang pinakamagandang tagapahiwatig ng pamilihan ng mga ekwidad sa Estados Unidos at isa ito sa pinakamalawak na kinakalakal na mga index sa buong daigdig.
2. NASDAQ Composite: Ang NASDAQ Composite ay isang index ng mahigit 3,000 kompanyang nakalista sa pamilihan ng sapi ng NASDAQ. Kinabibilangan ito ng mga kompanya sa larangan ng teknolohiya at mga kompanyang nakatuon sa paglago, at sikat ito sa mga namumuhunan na interesado sa mga naturang sektor.
3. Dow Jones Industrial Average: Ang Dow Jones Industrial Average, na kadalasang tinatawag na “the Dow,” ay isang price-weighted na index ng 30 sa pinakamalalaking kompanya sa Estados Unidos. Isa ito sa pinakamatatanda at pinakatanyag na index ng pamilihan ng sapi sa buong daigdig.
4. FTSE 100: Ang FTSE 100 ay isang market-cap weighted na index ng 30 sa pinakamalalaking kompanyang nakalista sa London Stock Exchange sa Alemanya. Ito ang pinakamadalas gamitin na pamantayan para sa pamilihan ng mga ekwidad sa UK.
5. Nikkei 225: Ang Nikkei 225 ay isang price-weighted na index ng 225 sa mga pinakanangungunang kompanyang nakalista sa Tokyo Stock Exchange. Ito ang pinakamadalas gamitin na pamantayan para sa pamilihan ng mga ekwidad sa Japan.
6. DAX: Ang DAX ay isang market-cap weighted na index ng 30 sa pinakamalalaking kompanyang nakalista sa Frankfurt Stock Exchange sa Alemanya. Ito ang pinakamadalas gamitin na pamantayan para sa pamilihan ng mga ekwidad sa Alemanya.

Sikat ang mga index na ito sapagka’t nagbibigay ang mga ito ng malawak na pangangatawan sa pamilihan ng mga sapi at maaari silang gamitin upang subaybayan ang pagkilos ng iba’t ibang mga sektor at industriya.

Ang pag-long naman sa isang index ay ang pagbili ng index sa pag-asang tataas ang halaga nito sa haba ng panahon. Samakatuwid, binibili ng namumuhunan ang index sa pag-asa nitong ibenta ito sa mas mataas na presyo at pagkakitaan ito. Ang pag-long sa isang index ay isang bullish na diskarte, sapagka’t inaasahan ng namumuhunan ang pag-akyat ng pamilihan.

Sa kabilang dako, ang ibig sabihin ng pag-short sa isang index ay ang pagbenta ng naturang index sa pag-asang bababa ang halaga nito sa haba ng panahon. Samakatuwid, hinihiram ng namumuhunan ang index, binebenta ito sa kasalukuyang presyo sa pamilihan, at binibili muli ito sa mas mababang presyo upang isauli ito sa nagpapahiram, at sa gayon, kumikita. Ang pag-short sa isang index ay isang bearish na diskarte, sapagka’t inaasahan ng namumuhunan na babagsak ang pamilihan.

Ang pagbenta ng short o short selling ay maaaring mas maging mapanganib kaysa sa long, sapagka’t ayon sa teorya, walang hanggan kung gaanong kataas umakyat ang isang pamilihan, samantalang may hangganan kung gaano ito maaaring bumaba. Nangangahulugan ito na ang isang short seller ay maaaring mapuwersang bilhin muli ang index sa mas mataas na presyo kaysa sa presyo nila ito ibinenta, na nagdudulot ng pagkalugi.

Maaaring gamitin ng mga namumuhunan ang mga diskarteng long at short upang makamtan ang kanilang mga layunin sa pamumuhunan at pangasiwaan ang kanilang pagkalantad sa panganib. Mahalagang tandaan na ang pangangalakal ng mga index ay maaaring maging kumplikado, at dapat maingat na isipin ng mga namumuhunan ang kanilang mga layunin sa pamumuhunan, toleransya sa panganib, at ang sitwasyong pinansyal bago sila magsimulang makilahok sa ganitong uri ng mga trade.